Áskorun til stjórnvalda

Aðalfundur Landssambands sumarhúseigenda var haldinn 27. apríl.  Lögð var fram áskorun til stjórnvald eftirfarandi.

„Aðalfundur Landssambands sumarhúsaeigenda haldinn 27. apríl 2016 skorar á stjórnvöld að fella niður skatta af söluhagnaði frístundahúsa.“

Landssambandið beitti sér fyrir breytingu á lögum um tekjuskatt að því er varðar skattlagningu söluhagnaðar sumarbústaða þannig að um skattlagningu hans gildu sömu reglur og gilda um skattlagningu söluhagnaðar af íbúðarhúsum. Ávallt hefur landssambandið  fengið neitun eða erindi landssambandsins ekki svarað. Þrátt fyrir ítrekaðar óskir að fá að ræða við núverandi fjármálaráðherra og fylgja þessu máli eftir höfum við ekki fengið áheyrn hans. Nú síðast voru í bréfi ráðuneytisins færð fram þau rök að það hafi verið meginregla að ágóði af sölu eigna sé skattskyldur og lagareglur um skattalega meðferð af íbúðahúsnæði í eigu manns séu undantekning frá þessari meginreglu að tilteknum skilyrðum tímamarka og heildarrúmmáls uppfylltum. Svo er það rökstutt með því að skattprósentan sé nú 20% en var áður um allt að 40% eins og af öðrum atvinnutekjum. Benda má á að í lögum um tekjuskatt eru fullt að undantekningum frá meginreglum þeirra, t.d. sala bónda á bújörð sinni enda afli hann sér íbúðarhúsnæðis innan tveggja ára en söluhagnaður af sölu þeirrar íbúðar tveimur árum seinna verður skattfrjáls, svo og má nefna að frá árinu 2015 lýtur söluhagnaður íbúðahúsnæðis úr dánarbúi manns sömu undantekningarreglu, svo ekki sé minnst á skattfrelsi söluhagnaðar af sölu bifreiða.

Ályktanir samþykktar á aðalfundi Landssambands sumarhúsaeiganda 2015

Á aðalfundi Landssambands sumarhúsaeigenda haldinn 29. apríl 2015 var ályktað með eftirfarandi hætti.  Landssamband sumarhúsaeigenda  mótmælir þeim miklu hækkunum á opinberum gjöldum í formi fasteigna- og þjónustugjalda sem lögð eru á frístundahúsaeigendur á Íslandi ár frá ári án þess að þjónustustig hækki hjá sveitarfélögum. Landssamband sumarhúsaeigenda hvetja stjórnvöld til að flýta aðgerðum til að tryggja […]

NÝTT KERFI MEIRA ÖRYGGI FYRIR FÉLAGSMENN

Þessa daganna eru fulltrúar Landssambands sumarhúsaeigenda að hringja í félagsmenn.  LS hefur tekið upp nýtt félagakerfi og vefsíðu sem gerir það mögulegt fyrir félögin til framtíðar að halda utan um félagaskránna á síðunni. Þá munu eingöngu félagsmenn hafa síðar aðgang að innra kerfi hennar, s.s. vegna þjónustu, upplýsinga og afsláttar á þjónustu og vöru. Við […]

STAFRÆNT SJÓNVARPSDREIFIKERFI UM ALLT LAND

Vodafone byggir þessa dagana upp stafrænt sjónvarpsdreifikerfi um allt land, í samráði við RÚV. Framkvæmdin er langt komin, en á næstunni munu stór sumarbústaðarsvæði eiga kost á Digital sjónvarpsútsendingum (9 rásir), en munu jafnframt missa Analog sjónvarpsútsendingu RÚV (1 rás) sem sumarbústaðaeigendur hafa mögulega notað hingað til. Frekari upplýsingar um kerfið og uppbygginguna  má sjá […]

NETBYLTING Á STÆRSTU SUMARHÚSASVÆÐUNUM – VODAFONE TEKUR STÖKKIÐ

4G-væðing stærstu sumarhúsasvæða landsins er nú í fullum gangi. Tæknimenn á vegum Vodafone hafa á undanförnum vikum unnið að uppsetningu á viðeigandi sendibúnaði og var þjónustunni hleypt af stokkunum 4. júlí á stærstu sumarhúsasvæðum Suður- og Vesturlands, fyrir stærstu ferðahelgi sumarsins. Sumarhúsanotendur í Skorradal og Grímsnesi eru meðal þeirra sem geta notið þjónustunnar, en 4G-þjónustusvæði […]